Il Glatscher dil Rodan igl onn 2015 Il Glatscher dil Rodan igl onn 2015

Il Glatscher dil Rodan igl onn 2015

Il sistem d'energia futur dad Anton Gunzinger.

Motivaziun

Midada dil clima

La midada dil clima ei ina realitad! Nus stuein agir.

Vegnir naven dalla dependenza dallas materias primas fossilas!

La Svizra dat ora mintg'onn ver 22 mia. francs svizzers per materias primas fossilas. Da quei ein ca. in tierz dazis sin carburonts. Il rest va egl exteriur a stadis sco Kuweit, Saudiarabia, Emirats Arabs Uni, Katar, Nigeria, etc.

Anton Gunzinger, professer alla Scola politecnica federala, interprendider e visiunari revoluziunar, cumprova en siu cudisch «Kraftwerk Schweiz» ch'ei dat ina via per remplazzar carburonts fossils e forza atomara en favur d'ina associaziun d'electricitad indigena: aua, sulegl, vent, lenna indigena ed ovras electricas d'accumulaziun a pumpa!

Schanzas per las regiuns periferas

Gest per regiuns periferas eis ei ina schanza da s'engaschar sezzas ella producziun d'energia e da generar creaziun da valur.

En cumbinaziun cun la forza hidraulica (accumulaziun a pumpa) san las fuormas d'energia regenerabla (vent e sulegl) contribuir ina part essenziala ad ina Svizra autarca el sectur d'energia.