Ina schanza per la regiun

Ina schanza per la regiun

... ina gronda schanza per igl avegnir!

Liug e regiun

Il liug tscharniu ei adattaus per differents motivs:

La campagna da mesiraziun dil vent, bein la pli vasta fatga ils davos onns en Svizra, ha mussau claramein ch'il potenzial da vent ei pli che sufficients.

Las regiuns habitadas ein lunsch naven (ca. 3,5 km). Era sch'il vent suffla ferm, audan ins leu buc ils implonts d'energia da vent. Perquei che la regiun sesanfla sin in plateau, vegn ins a veser naven dils vitgs el contuorn mo paus implonts d'energia da vent. La visualisaziun dil parc da vent ha liug ils proxims meins el rom dall'examinaziun ecologica.

Malgrad l'altezia dil parc da vent planisau ei la regiun bein accessibla. Tochen sin l'Alp Nova sin 2100 m s.m. exista gia ina via carrabla cun camiuns che sto vegnir meglierada mo punctualmain.

Ina colligiaziun per furnir l'energia ella reit electrica publica a Tavanasa ei pusseivla. Ensemen cun l'OE Lumbrein e cun Repower verificheschan ins actualmein la secunda varianta cun ina colligiaziun alla reit a Lumbrein. Cheutras savess ins meglierar considerablamein la stabilitad dalla reit en Lumnezia!